婚禮音樂播錯歌系列I 廣東歌篇
- Kelvin Siu
- 2月28日
- 讀畢需時 3 分鐘
已更新：3月3日
歡迎閱讀婚禮音樂播錯歌! 你有冇試過參加婚禮，聽到一啲令人尷尬到想匿入枱底嘅歌？我哋就試過啦！
🎵 最近一次，新人請咗一隊Buskers， 先唔講用街頭表演嘅setting+場地無線咪收音(圖2)之外，敬酒嗰陣竟然大唱《愛情陷阱》！之後仲有《一生中最愛》同《甘心替代你》……喂， 個誤會大到咁咩？其實婚宴樂隊，除咗演奏技巧同埋事前準備歌單之外，最重要莫過於音響系統，好多人都會忽視咗呢一個環節...
🎸 仲有一次，係2016年嘅一場小型婚禮，新外父嘅結他老師表演自彈自唱，竟然揀咗《暗裡著迷》…… 大家估吓現場賓客咩反應？ (當時冇拍片...有啲後悔)
🎤 為咗令大家唔好再尷尬，我哋一連三個Blog同大家詳細講解 有關 廣東話，英文及國語中伏歌單，幫你避開婚禮音樂嘅地雷，確保你嘅婚禮氣氛浪漫又甜蜜！
1. 《愛是永恆》 - 張學友
中伏原因：雖然旋律澎湃，但呢首歌其實係來自音樂劇《雪狼湖》，係男主角喺女主角中槍身亡後獻唱嘅輓歌……用嚟做婚禮背景音樂，真係唔多吉利！
2. 《一生中最愛》 - 陳奕迅
中伏原因：歌名好似好深情，但其實係一首講述失去摯愛嘅悲情歌，歌詞充滿遺憾同傷感，絕對唔適合婚禮！
3. 《只願一生愛一人》 - 張學友
中伏原因：歌名聽落好專一，但其實係一首哀求復合嘅歌曲，MV中張學友仲要一臉悲痛，完全唔係婚禮應有嘅氣氛！
4. 《祝君好》 - 張智霖
中伏原因：歌詞係前度祝福新人搵到幸福，雖然好聽，但用喺婚禮上，隨時令人誤會你對舊愛念念不忘！
5. 《不許你注定一人》 - Dear Jane
中伏原因：歌詞甜蜜，但MV講述男主角喺墳前獻花，回憶與已逝愛人嘅甜蜜片段，陰陽相隔嘅故事絕對唔適合婚禮！
6. 《甘心替代你》 - 鄭伊健
中伏原因： 同樣係電影主題曲，當時係女主角 臨死前的畫面 ，歌詞講述「 難道只好淌淚心痛告別你， 無法讓我此際替代你」，充滿無奈同傷感，絕對唔適合婚禮嘅幸福氣氛！
婚禮係人生大事，音樂選擇絕對唔可以馬虎！好多新人以為揀啲歌名浪漫嘅歌曲就冇問題，但其實唔少熱門情歌背後隱藏住「地雷」，隨時令婚禮氣氛變得尷尬甚至唔吉利！以下係一啲常見嘅「中伏歌曲」，大家揀歌時要小心啦！
唔想揀錯歌？一定要同我哋傾吓啦，我哋會提供多方面嘅資訊，包括唔同環節播放唔同嘅歌單， 想知道更多婚宴秘技，立即聯絡我哋!
我哋嘅服務：
✅ 全面歌曲播放清單：提供適合婚禮嘅英文、國語、廣東歌推薦，確保每一首都符合婚禮主題。
✅ 進場歌曲選擇及推介：根據你嘅婚禮風格， 推介最適合嘅進場音樂。
✅ 進場歌曲創作：我哋仲有結婚主題曲創作服務，可以幫助你哋度身訂造一首獨一無二嘅主題曲 。
✅ 專業建議：避免尷尬場面，讓賓客感受到你嘅用心同幸福！
💬 留言分享：你有冇試過喺婚禮上聽到唔多掂嘅歌？話我哋知你嘅經歷，等我哋一齊避開地雷！
🎁 特別優惠：限時優惠：額外9折 + 免費魔術教學！
名額有限，送完即止，快啲聯絡我哋啦！
「超越期待，見證奇蹟！」
Comments