《香港婚禮場地點揀好？四類場地真實優缺 + 流程管理秘笈（MC實戰分享）》By Kelvin Siu | 婚禮MC及統籌專家
- Kelvin Siu
- 3月18日
- 讀畢需時 4 分鐘
已更新：4月25日
【點解場地會影響成個婚禮Feel？】
香港婚禮場地點揀好？做咗咁多年MC，見盡唔少新人同場地「搏鬥」嘅血淚史。其實場地唔止係背景板，佢嘅規矩、團隊同硬件，直接影響流程順唔順、氣氛High唔High！今日就同大家拆解四大熱門場地嘅真實特性，教你點見招拆招——
1. 傳統酒樓：人情味滿分
👍 真．優點
彈性Max：狂撒紙碎？冇人攔你
價錢易入口：同樣預算，擺酒規模可以大升級
😩 中伏位
經驗太豐富： 上次喺尖沙咀， 一去到見到經理，好似好有經驗咁， 經驗好到好似咩都識咁，完全冇聽人講嘢，講唔夠兩句佢即刻比結論， 但係睇返佢哋嘅流程只不過係傳統框架下邊幫助佢哋盡快收工。我哋當然要好有耐性，結果用多咗時間溝通....
工作認真，欠缺思考： 明明開晒會，講好晒之後發生咩事，每人都有一份流程表，但係其中嘅員工都會不斷重複地問「下個環節係咩？」 真係少啲經驗，隨時會比佢哋打亂節奏，如果有埋婚禮統籌師嘅話，直接就可以擋住
送客變趕客: 就算一早開會講咗，場地職員趕住收工，叫主人家喺門外送客， 但係大家仲食緊甜品... 婚禮統籌可以令到以上嘅問題都迎刃而解。
2. 專屬婚宴會所：穩陣之選，但創意要「偷雞」
👍 真．優點
流程順暢： 受過專業嘅訓練， 婚宴品味好，最緊要係爽手快靚正！ 我哋MC最鍾意做呢類型嘅場地，講幾句大家都已經明白晒！就算冇統籌師都輕易完勝
設備齊全： 一般嚟講燈光音響嘅設備，都係基本，操作燈光嘅人員先至係重點， 事前充足溝通，通常都處理準成
場地佈置：如果要求唔係太高，佢哋本身已經裝修到婚禮場地咁樣，唔需要額外佈置，又可以慳返一筆費用
交場時間: 因為通常都係做婚宴為主，時間通常都會比較彈性，甚至全日都可以用佢哋嘅場地，當然要視乎每一間分店啦，部份都會有午市或者緊接着其他證婚嘅.
😩 中伏位
問心，又真係冇乜， 除非要求另類啲嘅話 , 就要考慮酒店場地啦！
3. 酒店Ballroom：童話感 vs 規矩多
👍 真．優點
大方得體： 揀得酒店擺酒，點都有個靚靚lobby，樓底可能好高嘅Ball-room，不過呢類場地呢，必須要配合佈置公司， 預算就會提升左 ，一般嚟講， 萬幾蚊至三萬蚊不等，視乎設計而定。
軟硬件無得輸： 音響一定會好靚，而且工作人員非常專業，而且有禮貌。
😩 中伏位
規矩係王道： 例如紙碎，爆爆波，真花瓣等等都唔可以使用！
交場時間: 酒店往往都會預留時間比其他宴會預訂， 試過晚宴，六點先交場，咁樣就要注意下佈置嘅時間夠唔夠啦，如果仲要做埋證婚，咁就要協調一下...婚禮統籌師亦都可以喺呢個時候發揮佢哋嘅作用，一般嚟講我哋開完會都會立即同sales溝通，避免不必要嘅誤會發生。
Crew Meal : 高級嘅酒店往往都唔俾自己帶嘢食，所以如果要安排 Crew Meal 就要喺酒店嗰度落單，每一個set有百幾蚊至到二百幾蚊不等，亦都會帶來額外預算。
4. 戶外證婚場：IGable背後嘅血汗
👍 真．優點
呃Like神器：草地+海景+夕陽，自然光自帶濾鏡
主題自由：西式、森系風任你Mix
創意無限制: 有養小動物嘅朋友，應該會特別喜歡，進場時亦都有機會可以將心愛嘅毛孩擺喺遙控車出場，或者 一對新人坐住電動車出場... 仲有泡泡槍...滴滴金...基於安全問題，好多場地都未必可以，戶外婚禮就好大機會可以啦!!!
😩 中伏位
天氣玩嘢： 正所謂天氣不似預期，戶外證婚雖然有好多好處，但係都要準備Plan B
交通噩夢：預算漏咗包旅遊巴？阿婆要行30分鐘入場
硬件Bug：海風太大，誓詞吹到變「摩斯密碼」/ 天氣太熱，未進場妝已經溶咗
💡 保命錦囊
氣候三寶：透明雨傘陣 + 大帳篷後備 + 防蚊噴霧+ Plan B
交通懶人包：整QR Code地圖 + 的士Call車熱線 / 安排旅遊巴接送
【MC真心話：新人最常中伏2大陷阱】
1️⃣ 「兄弟團分工」假象「阿明管遊戲，阿強管物資」→ 結果可能兩邊撞哂板
💡 保命錦囊：搵1個「總統籌」做唯一對接人，再根據兄弟姊妹個性分配工作
2️⃣ 「場地Sales 同場地負責任有機會唔係同一個人」簽約嘅時候係佢, 同你溝通得最多嗰個人都係佢， 但係現場負責人原來唔係佢， 雖然未必會出事，但係只要有婚禮統籌師，已經可以幫你過濾晒不必要嘅麻煩
【點解要同我傾MC計劃？】
按你場地特性度身訂造流程
MC x 統籌 x 魔術三合一：1個人Hold全場，慳返請統籌師的$$ 仲可以變埋魔術添！魔術可能未必係你哋想要嘅環節，但係每次需要救場嘅時候， 魔術都係大派用場嘅絕招!
📩 即時Inbox我，送你：✅ 1次免費30分鐘婚宴流程診斷
💒 關於作者Kelvin Siu，資深婚禮MC及流程設計師，15年統籌超過800場婚宴，擅長將場地限制轉化為難忘亮點。堅持「唔Hard Sell、只解決問題」原則，人稱為「婚宴拆彈專家」。
留言